السلام عليكم ورحمة الله وبركاته
من اليوم ورايح راح يكون في تغيير بقسم المناقشه
ماراح يكون قسم المناقشه الي تعرفونه
ايام الاستعباط والاستهبال راحت وبدا وقت الجد
ضروري جدا تقرا هالموضوع قبل ماتحط موضوع او حتى تحط رد بقسم المناقشه
لان الي ماراح يلتزم بقوانين القسم راح يتعاقب وبدون رحمه
القوانين راح تمشي ع الكل لاتقولي انا رابر ولا V!P ولا حتى من الاداره
بالعكس اذا كان نكك ملون المفروض تكون قدوه حق الاعضاء
مو تحرضهم ع الفساد والخراب
الاداره تتعب وتدفع فلوس وكل شوي يغيرون الستايلات ويفتحون
اقسام يديده ووايد شغلات يسونها انتوا ماتدرون عنها ومافي اي احترام
بالمقابل ع الاقل خل نظهر شوية احترام بالمقابل
بدال مايفكرون بشغلات يديده حق المنتدى يقعدون يمسحون ردود ومواضيع
يعني يلحقون على شنو ولا شنو
اذا تبون تتناقشون اتناقشوا بطريقه حضاريه مو قاعدين بالشارع احنا
موشرط الكل يقتنع برايك كل واحد ووجهة نظره يعني انت حط موضوعك ورايك
والي يقتنع يقتنع والي مايقتنع بكيفه
تبي تقنع واحد اقنعه بشكل حضاري موتسبه وتسب اهله
يعني اذا سبيته او غلطة عليه راح يقتنع??!! بالعكس راح يتمسك برايه اكثر واكثر
1- اي موضوع ماله داعي او يكون الغرض منه الاستعباط
راح ينحذف وصاحب الموضوع راح يحصل انذار.
2- اي موضوع مكرر راح ينحذف وراح ارسل لصاحب الموضوع
انذار شفوي ( يعني رساله خاصه ) واذا كررها وحط موضوع مكرر
مره ثانيه راح يحصل انذار
لحد يقولي ماكنت ادري قبل ماتحط موضوع راجع باجي المواضيع
لتفادي هذي المشكله او تقدر ترسلي رساله خاصه للاستفسار
3- اي موضوع يكون فيه الفاظ بذيئه او استهزاء برابر او عضو من الاعضاء
حتى لو كانت الكلمات مشفره راح يتم مسح الكلمات المخالفه
او مسح الموضوع اذا استلزم الوضع وراح ينذر لصاحب الموضوع
4- اي رد يكون فيه كلام بذيئ راح ينمسح والعضو راح يحصل على انذار
5- اي رد ماله داعي مثل ( لاتعليق -مشكور - ههههه - خخخخخ .... الخ )
راح ينمسح الرد وراح ينذر العضو
6- اي رد فيه استهزاء لرابر أو عضو من الاعضاء او حق الاداره
راح ينمسح الرد وينذر العضو
7- اي عضو يحصل انذار ويكرر الخطأ الي سواه راح يكون مصيره الطرد
8- اي عضو يرفع موضوع قديم راح ينذر
ونبي تعاون منكم لان ايد وحده ماتصفق
EQZoOoZ & SCreaM - ( خـاب ظـنـي ) - BLaCk FaCe 
